Sindhi

سورة الانفطار - عدد الآيات 19

إِذَا ٱلسَّمَآءُ ٱنفَطَرَتْ ﴿١﴾

جڏھن آسمان ڦاٽندو.

وَإِذَا ٱلْكَوَاكِبُ ٱنتَثَرَتْ ﴿٢﴾

۽ جڏھن تارا ڇڻي پوندا.

وَإِذَا ٱلْبِحَارُ فُجِّرَتْ ﴿٣﴾

۽ جڏھن سمنڊ تمام جوش سان وھائبا.

وَإِذَا ٱلْقُبُورُ بُعْثِرَتْ ﴿٤﴾

۽ جڏھن قبرون پٽبيون.

عَلِمَتْ نَفْسٌۭ مَّا قَدَّمَتْ وَأَخَّرَتْ ﴿٥﴾

(تڏھن) سڀڪو شخص اُھو ڄاڻندو جيڪي اڳي موڪليو ھوائين ۽ جيڪي پوئتي ڇڏيو ھوائين.

يَٰٓأَيُّهَا ٱلْإِنسَٰنُ مَا غَرَّكَ بِرَبِّكَ ٱلْكَرِيمِ ﴿٦﴾

اي ماڻھو توکي تنھنجي (انھي) سڳوري پالڻھار کان ڪھڙي شيءَ ٺڳيو؟

ٱلَّذِى خَلَقَكَ فَسَوَّىٰكَ فَعَدَلَكَ ﴿٧﴾

جنھن توکي پيدا ڪيو پوءِ توکي سنئين لڱين ڪيائين پوءِ توکي برابر ڪيائين.

فِىٓ أَىِّ صُورَةٍۢ مَّا شَآءَ رَكَّبَكَ ﴿٨﴾

جھڙي صورت ۾ گھريائين (تھڙيءَ ۾) تنھنجو جوڙ جوڙيائين.

كَلَّا بَلْ تُكَذِّبُونَ بِٱلدِّينِ ﴿٩﴾

ائين نه آھي بلڪ اوھين عملن جي جزا ڏيڻ کي ڪوڙ ڀائيندا آھيو.

وَإِنَّ عَلَيْكُمْ لَحَٰفِظِينَ ﴿١٠﴾

۽ بيشڪ اوھان تي نگھبان (مقرر ٿيل) آھن.

كِرَامًۭا كَٰتِبِينَ ﴿١١﴾

سڳورا لکڻ وارا.

يَعْلَمُونَ مَا تَفْعَلُونَ ﴿١٢﴾

جيڪي اوھين ڪندا آھيو سو ڄاڻندا آھن.

إِنَّ ٱلْأَبْرَارَ لَفِى نَعِيمٍۢ ﴿١٣﴾

بيشڪ ڀلارا (بھشت جي) نعمت ۾ ھوندا.

وَإِنَّ ٱلْفُجَّارَ لَفِى جَحِيمٍۢ ﴿١٤﴾

۽ بيشڪ گنھگار دوزخ ۾ ھوندا.

يَصْلَوْنَهَا يَوْمَ ٱلدِّينِ ﴿١٥﴾

عملن جي بدلي جي ڏينھن دوزخ ۾ داخل ٿيندا.

وَمَا هُمْ عَنْهَا بِغَآئِبِينَ ﴿١٦﴾

۽ اُن کان اُھي لڪل نه ھوندا.

وَمَآ أَدْرَىٰكَ مَا يَوْمُ ٱلدِّينِ ﴿١٧﴾

۽ ڪنھن سمجھايئي ته عملن جي بدلي جو ڏينھن ڇا آھي؟

ثُمَّ مَآ أَدْرَىٰكَ مَا يَوْمُ ٱلدِّينِ ﴿١٨﴾

وري (به چئون ٿا ته) ڪنھن سمجھايئي ته عملن جي بدلي جو ڏينھن ڇا آھي؟

يَوْمَ لَا تَمْلِكُ نَفْسٌۭ لِّنَفْسٍۢ شَيْـًۭٔا ۖ وَٱلْأَمْرُ يَوْمَئِذٍۢ لِّلَّهِ ﴿١٩﴾

اُھو ھڪ ڏينھن آھي جو ڪو جيءُ ڪنھن جيءَ کي ڪجھ فائدو پھچائي نه سگھندو، ۽ اُن ڏينھن (ساري) حڪومت خاص الله جي ھوندي.

كتاب الله بين يديك
قراءةً واستماعًا وتدبرًا